Thursday, October 18, 2007
ചിതറിയ അക്ഷരങ്ങള്‍
പുസ്തകത്തിന്റെ താളുകള്‍ കീറീയെന്‍ -
അക്ഷരങ്ങള്‍ ചിതറീയോ മണ്ണില്‍,
ചേര്‍ത്തു വെയ്ക്കാന്‍ ശ്രമിക്കില്ല ഞാനിനി ,
ശിഥിലമായൊരാ സ്നേഹ കാവ്യവും.
വിറയുമീകയ്കള്‍ തളരുന്നു ,പ്രാണനില്‍-
പകുതിയെങ്ങോ പകുത്ത് പോയെങ്കിലും,
തെളിവിനായ് മാത്രം ഇന്നുമീ ജീവന്റെ-
കണികകള്‍ എന്റെ സിരകളില്‍ ഒഴുകുന്നു.
കണ്ണുനീരില്ല കണ്‍കളില്‍ നിന്നുമാ-
സ്നേഹ രശ്മികള്‍ മാഞ്ഞിരിക്കുന്നതാ,
ഗഗന സീമന്ത രേഖയില്‍ നിന്നുമാ-
അരുണ കുങ്കുമം പടര്‍ന്നിരിക്കുന്നുവോ..
പോകുവാനുള്ള വഴികള്‍ എന്‍ മുന്‍പിലായ്‌-
ഇരുള്‍ നിറഞ്ഞു അവ്യക്തമാകുന്നിതാ..
എഴുതിടുന്നു ങ്ാന്‍ ഈ യാത്രാമൊഴി-
കവിതയായ്‌ എന്റെ മനസ്സിലെ വരികളാല്‍.
ജീവിതമെന്ന യാത്രയില്‍ എന്നെ-
സ്നേഹിച്ചവര്‍ക്കൊക്കെ നല്‍കുവാന്‍ ഇന്നിനി,
നന്ദി എന്ന രണ്ടക്ഷരം മാത്രമേ-
ബാക്കിയായുള്ളു ഈ പുസ്തകത്തിങ്കല്‍ .
എഴുത്ിടുന്നു ങ്ാന്‍ ഈ യാത്രാമൊഴി-
കവിതയായ്‌ എന്റെ മനസ്സിലെ വരികളാല്‍.
ഈ യാത്ര മാത്രമാണിന്നെന്‍ ജീവനില്‍-
പിന്തുടരട്ടെ ഇരുളിന്റെ കാല്‍പ്പാടുകള്‍.
( Published on 2006 oct .)
Subscribe to:
Post Comments (Atom)
6 comments:
നന്നായിരിക്കുന്നു...:)
ഗോപി....
ഇരുളിലേക്ക്‌ മായും നാമ്മൊക്കെയുമൊരു നാള്‍
ബാക്കിയാവുവതീയോര്‍മ്മകള്‍ മാത്രമായ്‌
വിടപറയും മുബേ ചൊല്ലുവതെന്തിനീ യാത്രമൊഴി
തുടരുക നീ നിന്‍ ജീവിതമൊഴി
ജീവിതം ചിതറിതെറിക്കും നിമിഷം
ഒപ്പം ചിതറാതിരിക്കട്ടെയീ മധുരാക്ഷരങ്ങള്‍
നന്നായിരിക്കുന്നു ..ഇനിയും എഴുതുക
നിരാശത ഒഴിവാക്കുവാ‍ന്‍ കവിതകൊണ്ട് കഴിയട്ടെ.
അക്ഷരത്തെറ്റുകള്‍ തിരുത്തി പോസ്റ്റ് ചെയ്യാന്‍ ശ്രദ്ധിക്കുമല്ലോ? (മംഗ്ലീഷ് പ്രശ്നങ്ങളാണു കൂടുതല്‍)
ങാ‍ാന്‍ - ഞാനിനി
ശിധിലം - ശിഥിലം (Sithhilam)
കന്ണ്കളില്‍ - കണ്‍കളില്‍
എഴുത്ിടുന്നു ങ്ാന്‍ - എഴുതിടുന്നു ഞാന്‍
നന്ധി - നന്ദി
രന്ടക്ഷരം - രണ്ടക്ഷരം
ബാക്കിയയുള്ളു - ബാക്കിയായുള്ളു
മാത്രമാണിന്നേന്‍ - മാത്രമാണിന്നെന്‍
നന്നായിരിക്കുന്നു
വളരെ നല്ല വരികള്‍... തുടരൂ, ആശംസകള്‍!
അണ്ണാ നന്നായിരിക്കുന്നു..
Post a Comment